لاہور(پاکستان پوائنٹ نیوز10۔مارچ2017ء) پی ایس ایل سپاٹ فکسنگ سکینڈل وچ تفتیش ہیٹھ محمد عرفان نوں تحقیقات مکمل ہون تک دوبارا کھیڈن دا موقع نہ دین دا فیصلا کر لیا گیا اے۔ نجی ٹی وی نے پی سی بی وسیلیاں دے حوالے نال دعوا کیتا کہ اسلام آباد یونائیٹڈ دے فاسٹ باﺅلر محمد عرفان خلاف اینٹی کرپشن یونٹ وچ تحقیقات کیتیاں جا رہیاں نیں تے اوہناں دے فون کالز دا جائزا لِتا جا رہیا اے۔
عرفان دی جواریاں نال ملاقات دے الزام مگروں ویڈیو انٹرویو وی ریکارڈ کیتا گیا اے، جے اوہ سپاٹ فکسنگ وچ ملوث ہوئے تے اوہناں اُتے پابندی لگ سکدی اے۔ یاد رہوے کہ محمد عرفان دے پی ایس ایل دے دوران سپاٹ فکسنگ الزاماں اُتے تحقیقات جاری نیں پر اوہناں نوں پی ایس ایل کھیڈن توں نہیں ڈکیا گیا۔ محمد عرفان دا ناں وی دورا ویسٹ انڈیز خلاف لسٹ وچ شامل نہیں کیتا گیا اے۔ ایس توں وکھ سپاٹ فکسنگ دے مرکزی کرداراں خالد لطیف تے شرجیل خان خلاف فوری طور اُتے کارروائی کردے ہوئے اوہناں نوں معطل کر دِتا گیا سی۔
