لاہور(پاکستان پوائنٹ نیوز27۔جنوری2017ء) لاہور ہائی کورٹ نے پی ٹی آئی چیئرمین عمران خان تے جاوید ہاشمی خلاف کارروائی دی درخاست رَد کر دِتی۔تفصیل دے مطابق چیف جسٹس لاہور ہائی کورٹ مسٹر جسٹس سید منصور علی شاہ نے درخاست گزار شہری کامران دی درخاست اُتے بطور اعتراض کیس دی سنوائی کیتی، عدالتی سنوائی دے دوران درخاست گزار نے موقف اختیار کیتا سی کہ عمران خان تے جاوید ہاشمی نے ملکی سلامتی دے اداریاں اُتے الزام لائے نیں، جاوید ہاشمی دے الزماں دی وجہ توں اداریاں دی ساکھ متاثر ہوئی اے۔
عدالت نے ریمارکس دیندے ہوئے آکھیا کہ پرائیویٹ بندے خلاف ہائی کورٹ وچ رٹ درخاست دائر نہیں کیتی جا سکدی، قانون کسے شہری نوں ذاتی حیثیت وچ طلب کر کے معافی منگن دی اجازت نہیں دیندا۔ عدالت نے جاوید ہاشمی تے عمران خان خلاف دائر درخاست نوں رَد کر دِتا۔
