اسلام آباد(پاکستان پوائنٹ نیوز27۔جنوری2017ء) پی ٹی آئی نے انوکھی حکمت عملی اپنان دا فیصلا کر لیا اے۔ تفصیل دے مطابق پی ٹی آئی نے مسلم لیگ (ن) دے رہنما دانیال عزیز نوں وزیر بنان لئی مہم چلان دا فیصلا کیتا اے۔ پی ٹی آئی رہنما فواد چودھری نے آکھیا کہ دانیال عزیز نوں وزارت دوان لئی قومی اسمبلی تے سینیٹ وچ توجہ دواﺅ نوٹسز جمع کراواں گے۔ اوہناں نے آکھیا کہ وزارت نہ ملنا اک خطرناک معاملا اے ایس لئی دانیال عزیز نوں وزارت دوان لئی ایہ معاملا وزیر اعظم دے نوٹس وچ لیاواں گے۔
یاد رہوے کہ ایس توں پہلے وی سپریم کورٹ دے باہر میڈیا نال گل بات کرد ے ہوئے پی ٹی آئی رہنماواں نے دانیال عزیز نال ہمدردری دا وکھالا کردے ہوئے آکھیا سی کہ اوہ سویر توں شام تک حکومت دی طرفداری وچ لگے رہندے نیں۔ دانیال عزیز نوں سویر توں شام تک پریکٹس کروائی جاندی اے جہدی وجہ توں سپریم کورٹ وچ قطری شہزادیاں دے خط اُتے خط آ رہے نیں۔
