اسلام آباد(پاکستان پوائنٹ نیوز26۔جنوری2017ء) پچھلے دیہاڑے قومی اخبار ’ڈیلی ٹائمز‘ نے اک خبر چھاپی سی جہدے وچ آکھیا گیا سی کہ کرپشن الزامات اُتے ہون والیاں تحقیقا ت کارن ڈیوس وچ وزیر اعظم نواز نوں ورلڈ اکنامک فورم نال خطاب توں ڈَک دِتا گیا سی پر ہن ورلڈ اکنامک فورم نے وزیر اعظم نواز شریف دی اجلاس وچ رلت بارے خبراں دی وضاحت کیتی اے۔
ایس ضمن وچ ورلڈ اکنامک فورم نے انگریزی اخبار دے نمائندے نوں اک خط لکھیا اے جہدے وچ آکھیا گیا کہ پاکستان دنیا دے اہم ملکاں وچ شامل اے۔ وزیر اعظم نواز شریف نوں ورلڈ اکنامک فورم وچ رلت دی دعوت دِتی گئی سی۔ ورلڈ اکنامک فورم دا ایجنڈا وزیر اعظم ہاﺅس دے مشورے نال طے کیتا گیا۔ ایجنڈے وچ وزیر اعظم دیاں اہم شخصیتاں نال ملاقاتاں شامل سن۔ وضاحتی خط وچ آکھیا گیا کہ ایجنڈا نشانے تے ترجیحاں نوں نظر وچ رکھدے ہوئے تیا رکیتا گیا سی۔ ورلڈ اکنامک فورم ولوں گھلیا گیا وضاحتی خط تُسیں وی ویکھو !
