اسلام آباد(پاکستان پوائنٹ نیوز26۔جنوری2017ء) پاناما کیس وچ وزیر اعظم نواز شریف دے پُتراں حسین نواز تے حسن نواز نے قطری شہزادے شیخ حماد بن جاسم الثانی ولوں لکھیا گیا اک ہور خط سپریم کورٹ وچ پیش کر دتا۔تفصیل دے مطابق سپریم کورٹ وچ پاناما کیس دی سنوائی دے دوران وزیر اعظم نواز شریف دے پُتراں حسین تے حسن نواز نے قطری شہزادے ولوں 22دسمبر نوں لکھے گئے دوجے خط دیاں تفصیلاں عدالت وچ پیش کیتیاں، دوجا خط پہلے والے خط اندر چُکے گئے سوالاں دے جواباں وچ لکھیا گیا سی جہدے وچ آکھیا گیا کہ انٹرویو وچ میاں شریف الثانی خاندان توں پیسےاں دی واپسی دا ذکر ضروری نہیں سی، میاں شریف دی درخاست اُتے الثانی فیملی نے جدہ سٹیل مل وچ 5.4ملین درہم دی سرمایا کاری کیتی، مکہ سٹیل مل ویچ کے لندن پراپرٹی خریدی گئی جہدے لئی بنکاں تے دوستاں توں وی مدد لِتی گئی۔
میاں شریف نے اپنی زندگی وچ دسیا سی کہ دبئی وچ 12ملین درہم دی سرمایا کاری کیتی اے تے 12ملین درہم سٹیل مل ویچ کے لِتے گئے، میاں شریف نے ایہ وی دسیا کہ شیخ جاسم نے اوہناںپیسیاں نوں اپنے کاروبار وچ ورتیا تے سٹیل مل توں ملن والے 12ملین درہم حسین نواز نوں دین لئی آکھیا۔ خط دے متن مطابق دبئی سٹیل مل بنکاں تے دبئی حکومت دے تعاون نال بنائی گئی جدکہ قطر وچ کیتی گئی سرمایا کاری کیش دی صورت وچ کیتی گئی، سرمایا کاری ویلے قطر وچ کیش دی صورت وچ ای وٹاندراکیتاجاندا سی۔
قطری شہزادے دے خط وچ آکھیا گیا اے کہ 2005وچ کاروبار دے زمرے وچ 80لکھ ڈالر بقایا سن، 80لکھ ڈالر نال نیلسن تے نیسکول دے شیئر دی صورت دِتے گئے۔ جواب وچ دسیا گیاکہ الثانی خاندان دا بندا جدہ وچ شریف فیملی نال ملیا تے پیسےاں دی واپسی لندن دے انٹر بنک ریٹس دے مطابق دین اُتے اتفاق ہویا سی، ایس ملاقات وچ 3-2ملین درہم دی رقم وی لندن دے انٹر بنک آفر ریٹ دے مطابق دین اُتے اتفاق کیتا گیا سی۔
سعودی عرب وچ العزیز سٹیل مل دبئی مل ویچ کے لائی گئی، حسین 2006وچ سعودی ملز دی آمدن نال والد نوں زرمبادلا گھلن دے قابل ہوئے تے حسین نواز نوں پتا اے کہ والد نے تحفے دی رقم نال مریم صدر نوں مالی طور اُتے مستحکم کیتا۔ حسن نواز نے جواب وچ دسیا کہ جدوں اوہ لندن وچ پڑھ رہے سن تے شریف خاندان دے کفالت ہیٹھ نہیں سن، 2001وچ لندن اندر فلیگ شپ کمپنی بنائی، حسن نواز دی فلیگ شپ کمپنی لئی 4-2ملین ڈالر میاں شریف نے دِتے، 4فروری 2006نوں ٹرسٹ ڈیڈ وی تیار کیتی گئی۔
