فیصل آباد(پاکستان پوائنٹ نیوز21۔جنوری2017ء) رانا ثناءاللہ دا کہنا اے کہ سپریم کورٹ راہیں وزیر اعظم نوں ہٹان دی کوشش نوں قبول نہیں کراں گے۔ تفصیل دے مطابق وزیر قانون پنجاب رانا ثناءاللہ داپریس کانفرنس نال خطاب کردے ہوئے کہنا سی کہ لوکائی نے دو نومبر دے منفی ایجنڈے نوں رَد کر دِتا سی۔ پاکستانی لوکائی نے نواز شریف نوں وزیر اعظم بنایا اے، کُجھ طاقتاں لوکائی دی مقبول لیڈر شپ نوں غیر سیاسی طریقے نال راہ توں ہٹان دی کوشش کردیاں نیں جہنوں قبول نہیں کیتا جائے گا۔
اوہناں دا کہنا سی کہ جاوید ہاشمی دے عمران خان تے سابق چیف جسٹس سپریم کورٹ نال گٹھ جوڑ دے الزاماں دیاں تحقیقات ہونیاں چاہیدیاں۔ رانا ثناءاللہ دا ہور کہنا سی کہ دو نومبر دے منصوبے دی ناکامی دے بعد ہن وزیر اعظم نوں سپریم کورٹ راہیں ہٹان دی کوشش کیتی جا رہی اے۔ اوہناں دا کہنا سی کہ سپریم کورٹ راہیں وزیر اعظم نوں ہٹان دی کسے وی کوشش نوں قبول نہیں کراں گے۔
