کراچی(پاکستان پوائنٹ نیوز21۔جنوری2017ء) کراچی دے علاقے کورنگی وچ پولیو دے قطرے پین نال دو مہینیاں دا بال دم دے گیا، بال نوں پولیو دے قطرے ہیلتھ ورکر نے گھر آکے پیائے سن۔ تفصیل دے مطابق کراچی دے علاقے کورنگی وچ پولیو دے قطرے پین نال دو مہینیاں دا بال دم دے گیا، بال نوں پولیو دے قطرے ہیلتھ ورکر نے گھر آکے پیائے سن،بال دے وارثاں نے الزام لایا اے کہ بال دی موت پولیو قطرے پین پاروں ہوئی اے۔
بال دے دادے دا کہنااے کہ قطرے پین دے 5منٹ مگروں پوترے دے مونہوں جھگ آنا شروع ہو گئی۔ بال دے وارثاں نے جناح ہسپتال دے باہر احتجاجی وکھالا وی کیتا۔ بال دا دادا اوہدی لاش لے کے جناح ہسپتال پہنچ گیا۔ جناح ہسپتال دے ڈاکٹر سیمی جمالی نے دسیا کہ بال دی موت دیاں تحقیقات کیتیاں جا رہیاں نیں۔ بال نوں مردا حالت وچ ہسپتال لیاندا گیا سی۔ ڈاکٹر سیمی دا کہنا اے کہ ماں پیو نے بال دا پوسٹمارٹم کروان توں انکار کر دِتا۔
