سپریم کورٹ آﺅندے ہوئے پی ٹی آئی چیئرمین عمران خان دے پروٹوکول وچ شامل گڈیاں اک دوجے نال ٹکر کھا گئیاں

اسلام آباد(پاکستان پوائنٹ نیوز19۔جنوری2017ء) سپریم کورٹ وچ پاناما لیکس بارے درخاستاں دی سنوائی دا سلسلا جاری اے ، پی ٹی آئی چیئرمین عمران خان وی روز ای عدالت آ رہے نیں۔ اج سویرے جدوں سپریم کورٹ وچ پاناما لیکس کیس دی سنوائی وچ رلت لئی عمران خان گھروں سپریم کورٹ ول ٹُرے تے راہ وچ اوہناں دے پروٹوکول وچ شامل دو گڈیاں اک دوجے نال ٹکر کھا گئیاں۔ عمران خان دے قافلے وچ تن گڈیاں موجودسن۔ ٹکر کھان والی گڈی وچ عمران خان دا بھتیجا بیٹھا سی پر گڈیاں ٹکران دے نتیجے وچ کوئی جانی نقصان نہیں ہویا۔ وسیلیاں نے دسیا کہ حادثا تیز رفتاری پاروں ہویا پر خش قسمتی نال کوئی جانی نقصان نہیں ہویا۔