لاہوروں ابوظہبی جان والی ’اتحاد‘ ائر ویز دی اُڈان دا انجن خراب ہو گیا

لاہور(پاکستان پوائنٹ نیوز19۔جنوری2017ء) لاہوروں ابوظہبی جان والی ’اتحاد‘ ائر ویز دی اُڈان دا انجن خراب ہو گیا۔ تفصیل دے مطابق اتحاد ائر ویز دی لاہوروں ابوظہبی جان والی اُڈان 242نوں انجن دی خرابی پاروں عین روانگی ویلے منسوخ کر دِتا گیا۔ ائر پورٹ انتظامیا دے مطابق ایہ جہاز ائر بس اے 320دا جہاز اے۔ ائر پورٹ انتظامیا نے دسیا کہ عین اُڈان ویلے انجن دا ہائیڈرولک پائپ خراب ہو گیا جہدے بعد اُڈان منسوخ کر دِتی گئی۔ ائر پورٹ انتظامیا نے مسافراں نوں لاہور ائر پورٹ توں ہوٹل منتقل کر دِتا اے جدکہ جہاز دی مرمت دا کم جاری اے۔