شہباز تاثیردے گھر دھی دی پیدائش، مبارکباداں دا سلسلا شروع

لاہور(پاکستان پوائنٹ نیوز10۔جنوری2017ء) سابق گورنر پنجاب سلمان تاثیر دے پُتر شہباز تاثیر گھر دھی پیدا ہوئی۔ تفصیل دے مطابق شہباز تاثیر دی بیوی ماہین تاثیر نے پچھلی رات دھی نوں جنم دِتا۔ مائیکرو بلاگنگ ویب سائٹ ٹویٹر اُتے اپنے پیغام وچ شہباز تاثیر نے اپنی دھی دی پیدائش اُتے خشی دا وکھالا کردے ہوئے دسیا کہ اوہناں نے دھی دا ناں سرینا ایمی تاثیر رکھیا اے۔ شہباز تاثیر دا کہنا سی کہ ماں تے دھی دوویں صحتمند نیں۔ شہباز تاثیر دے گھر دھی دی پیدائش اُتے سبھ توں پہلے مشہور اداکارا ماورا حسین نے اوہناں نوں مبارک دِتی جہدے بعد مبارکاں دین دا سلسلا شروع ہوگیا۔