جڑانوالا: 10ورھیاں دی بالڑی دی 35ورھیاں دے بندے نال ویاہ دی کوشش ناکام بنا دِ تی گئی، 5بندے گرفتار

جڑانوالا(پاکستان پوائنٹ نیوز06۔جنوری2017ء) جڑانوالا وچ دس ورھیاں دی بالڑی دی 35ورھیاں دے بندے نال ویاہ دی کوشش ناکام بنا دِتی گئی، 5جانجیاں نوں گرفتار کر لیا گیا، لاڑا تے نکاح پڑھان والا فرار ہون وچ کامیاب ہو گئے۔ تفصیل دے مطابق پولیس نے فیصل پارک وچ کارروائی کردے ہوئے 10ورھیاں دی بالڑی دی 35ورھیاں دے بندے نال نکاح دی کوشش ناکام بنا دِتی۔ لاڑا تے نکاح پڑھان والا موقعے توں فرار ہو گئے۔ پولیس نے لاڑے دے والد سنے 5بندیاں نوں گرفتار کر کے مقدما درج کر لیا اے۔ متاثرا کُڑی 433گ ب دی رہن والی اے۔ پولیس دا کہنا اے کہ لاڑے تے نکاح پڑھان والی دی گرفتاری لئی چھاپے مارے جا رہے نیں۔ دوجے پاسے پولیس ولوں کارروائی دی اطلاع ملدے ای کُڑی دے ماں پیو وی فرار ہو گئے۔