اسلام آباد(پاکستان پوائنٹ نیوز06۔جنوری2017ء) مسلم لیگ (ن) دے رکن قومی اسمبلی طلال چودھری نے آکھیا کہ اے کہ عمران خان نے اپنے کیس دا آپ ای بیڑا غرق کر دِتا اے، عمران خان کول کوئی ثبوت نہیں ایس لئی سانوں دفاع دی وی کوئی لوڑ نیں، عمران خان عدالت وچ جھوٹھ بول کے پھس گئے نیں، مریم نواز دے جواب مگروں تحریک نوں چُپ لگ گئی اے۔ اوہ جمعے دے دیہاڑے پاناما کیس دی سنوائی دے بعد میڈیا نال گل بات کر رہے سن۔
اوہناں نے آکھیا کہ مریم نواز لندن فلیٹس دی ٹرسٹی نیں، لگدا اے ساڈے دلائل دے بغیر ای کیس ختم ہو جائے گا۔ اوہناں دا کہنا سی کہ مریم نواز نے عدالت وچ اک ہور جواب جمع کرایا اے، مریم نواز دے جواب مگروں تحریک انصاف نوں چُپ لگ گئی اے۔ مریم نواز نے اپنے ٹیکس کاغذات وی عدالت وچ جمع کرا دِتے نیں۔ اوہناں دا کہنا سی کہ تحریک انصاف نے انگریزی اخبار دے کٹ پیس ثبوت دے طور اُتے پیش کیتے نیں، جھوٹھ بولن والا نااہل وی ہوندا اے تے اوہنوں سزا وی ملدی اے۔
اوہناں دا کہنا سی کہ عمران خان عدالت وچ جھوٹھ بول کے پھس گئے نیں، مریم نواز دے کفالت ہیٹھ ہون بارے عمران خان دے بیاناں وچ تضاد نیں۔ عمران خان کول کوئی ثبوت نہیں۔ ایس لئی سانوں دفاع دی وی کوئی لوڑ نہیں۔ اوہناں دا کہنا سی کہ عمران خان نے اپنے کیس دا آپ ای بیڑا غرق کر دِتا اے۔
