اسلام آباد(پاکستان پوائنٹ نیوز06۔جنوری2017ء) پاکستان تحریک انصاف دے رہنما فواد چودھری تے نعیم الحق نے آکھیا اے کہ عدالت وچ سارے ثبوت جمع کروا دِتے، عدالت نے آکھیا کہ اوہ سچ تیکر جان لئی کسے وی حد تیک جائے گی، مریم نواز منروا کمپنی دی بینی فیشل مالک نیں، مریم نواز دی ساری ٹرانزیکشنز نواز شریف دے دوالے گھمدی اے، اسیں چیئرمین نیب نوں ہٹان لئی وی درخاست کیتی۔
اوہ جمعے دے دیہاڑے پاناما کیس دی سنوائی دے بعد میڈیا نال گل بات کر رہے سن۔ اوہناں نے آکھیا کہ مریم نواز منروا کمپنی دی بینی فیشل مالک نیں، مریم نواز دا ایہ کہنا کہ ٹرسٹی نیں، بینی فیشل نہیں غلط اے۔ نواز شریف نوں 74کروڑ رُپئے دِتے گئے جہدا ٹیکس وی نہیں دِتا گیا، اسیں چیئرمین نیب نوں ہٹان لئی وی درخاست دِتی اے۔ اوہناں دا کہنا سی کہ حسن نواز نے ارباں رُپئے دا کاروبار کیویں شروع کیتا۔
فواد چودھری نے آکھیا کہ اج تن بنیادی نکتیاں اُتے گل ہوئی۔ عدالت وچ سارے ثبوت جمع کرا دتے نیں۔ مریم نواز دی ساری ٹرانزیکشنز نوز شریف دے دوالے گھمدی اے۔اوہناں دا کہنا سی کہ دلائل دِتے کہ حسن نواز نے ارباں رُپئے دا کاروبار کیویں شروع کیتا۔ عدالت نے آکھیا کہ اوہ سچ تیکر جان لئی کسے وی حد تیک جائے گی۔ پی ٹی آئی رہنما نعیم الحق نے آکھیا کہ جے ایہ فلیٹ اوہناں دی ملکیت نہیں تے فیر برطانیا دی عدالت نے ایہناں نوں اکٹھا کیوں کیتا، ہن کیس ایس مرحلے وچ پہنچ گیا اے ساریاں معلومات بنچ نوں دے دِتیاں نیں۔ اوہناں دا کہنا سی کہ کیس وچ کسے قسم دا ابہام باقی نہیں رہیا ایہ اگلے ہفتے تیکر ختم ہو جائے گا۔
