الطاف حسین دی پاکستان واپسی، 21جنوری نوں جلسے وچ تاریخ دا اعلان کیتا جائے گا

کراچی(پاکستان پوائنٹ نیوز05۔جنوری2017ء) سربراہ پاکستان قومی موومنٹ اقبال کاظمی نے نجی ٹی چینل دے اک پروگرام وچ گل بات کردے ہوئے آکھیا کہ سربراہ ایم کیو ایم لندن الطاف حسین پاکستان واپسی دے خاہشمند نیں۔ اوہناں نے آکھیا کہ الطاف حسین دا کہنا سی کہ میں پاکستان دے خمیر نال پیدا ہویا واں، پاکستان میری پہچان اے، میرا جینا مرنا وی پاکستان وچ ای اے۔ اقبال کاظمی نے ہور آکھیا کہ الطاف حسین دا کہنا سی کہ میں حالات و واقعات دے تحت لندن وچ ساں پر ہن میں پاکستان واپس آنا چاہنا واں، جہدا اوہ اظہار لوکائی ساہمنے 21جنوری نوں جلسے نال خطاب وچ کرن گے۔ اقبال کاظمی نے ہور آکھیا کہ الطاف حسین پاکستان دے آئینی اداریاں کولوںاپنیاں غلطیاں دی معافی وی منگن گے۔ یاد رہوے کہ ایم کیو ایم لندن نے کراچی وچ 21جنوری نوں عوامی شو دا اعلان کیتا ہویا اے جہدے نال ایم کیو ایم ایم لندن دے سربراہ الطاف حسین وی خطاب کرن گے۔ اپنے خطاب وچ الطاف حسین پاکستان واپسی دی تاریخ دا اعلان کرن گے۔