پاکستان تحریک انصاف دے دوویں ترجماناں دی صلح ہوگئی

اسلام آباد(پاکستان پوائنٹ نیوز05۔جنوری2017ء) پاکستان تحریک انصاف دے دوویں ترجماناں دی صلح ہو گئی۔ تفصیل دے مطابق سپریم کورٹ باہر میڈیا نال گل بات کردے ہوئے پی ٹی آئی ترجمان نعیم الحق نے آکھیا کہ فواد چودھری میرا بیلی اے، کل تے کجھ نہیں ہویا، میڈیا کولوں پتا لگا کہ اسیں لڑے آں۔ اوہناں نے آکھیا کہ فواد چودھری تے میرے وچکار کوئی لڑائی نہیں اے۔دوجے پاسے فواد چودھری تے نعیم الحق سپریم کورٹ دے باہر وکٹری دا نشان بناندے ہوئے آئے۔ فواد چودھری نے وی میڈیا نال گل بات وچ آکھیا کہ نعیم الحق صاحب میرے بیلی نیں۔ یاد رہوے کہ پچھلے دیہاڑے نعیم الحق تے فواد چودھری وچکار میڈیا نال گل بات کرن دے معاملے وچ تلخی ہو گئی سی۔