اسلام آباد(پاکستان پوائنٹ نیوز30۔دسمبر2016ء) وزیر اعظم دے اُچیچے معاون قانون و انصاف بیرسٹر ظفر اللہ خان نے آکھیا اے کہ پاناما پیپرز دے حوالے نال کیس سنوائی ہیٹھ اے تے حکومت ایس سلسلے وچ سپریم کورٹ دے فیصلے نوں قبول کرے گی۔ تفصیل دے مطابق جمعرات نوں نجی ٹی وی چینل نال گل بات کردے ہوئے اوہناں نے آکھیا کہ عدالتاں دا نظام بنیادی طور اُتے صوبائی معاملا اے، پاکستان پیپلز پارٹی دا ایہ تاثر غلط اے کہ عدالتاں نے اوہناں نال امتیازی پالیسی نوں اپنایا اے۔
ظفر اللہ خان نے آکھیا کہ ملک وچ امن و امان دی صورتحال پہلے دے مقابلے وچ بہتر اے۔ اوہناں نے آکھیا کہ سندھ تے بلوچستان وچ زمیناں دا ریکارڈ نہ ہون دے برابر اے۔ اک سوال دے جواب وچ اوہناں نے سارے صوبیاں توں درخاست کیتی کہ فوڈ کنٹرول اتھارٹی نوں صوبائی سطح اُتے فعال کیتا جائے۔
