تحقیقات ہو وی جان تے ابا جی واپس تھوڑی آن گے؟ جنید جمشید دے پُتر دی عمران خان نال گل بات

کراچی(پاکستان پوائنٹ نیوز30۔دسمبر2016ء) پچھلے دیہاڑے پی ٹی آئی چیئرمین عمران خان کراچی وچ مشہور مبلغ و نعت خواں جنید جمشید دے گھر ہرکھ لئی گئے جتھے اوہناں نے جنید جمشید دے بھرا تے اوہناں دے پُتراں نال ملاقات کیتی۔ ملاقات وچ جنید جمشید دے بھرا نے عمران خان نوں دسیا کہ سانوں متاثرا بندیاں دے فون آ رہے نیں، جہناں دا کہنا اے کہ تُسیں ایس معاملے نوں لے کے اگانہ ٹُرو، اسیں تہاڈے نال آں۔ جہدے اُتے جنید جمشید دے پُتر تیمور جنید دا کہنا سی کہ تحقیقات ہو وی جان تے ابا جی تھوڑی واپس آ جان گے۔ تیمور دی ایہ گل سُن کے عمران خان نے آکھیا کہ موت تے برحق اے پر ایس معاملے دی تِہ تیکر جان دا مقصد ایہ اے کہ آن والے ویلے وچ لوکاں دیاں زندگیاں خطرے وچ نہ پین۔ جنید جمشید دے گھر عمران خان دی آمد تے اوہناں دے پُتر نال گل بات بارے اُچیچی ویڈیو تُسیں وی ویکھو!