وزیر اعظم محمد نواز شریف آزاد جمعوں کشمیر کونسل دے 53ویں بجٹ اجلاس دی صدارت لئی مظفر آباد پہنچ گئے

مظفر آباد(پاکستان پوائنٹ نیوز29۔دسمبر2016ء) وزیر اعظم میاں محمد نواز شریف آزاد جمعوں کشمیر کونسل دے 53ویں بجٹ اجلاس دی صدارت لئی مظفر آباد پہنچ گئے۔ ایس موقعے اُتے وزیر اعظم نواز شریف نال وزیر خزانا اسحاق ڈار، وزیر امور کشمیر و بلتستان برجیس طاہر، وزیر اعظم دے اُچیچے معاون ڈاکٹر آصف کرمائی تے سینیٹر پرویز رشید وی موجود نیں۔ مظفر آباد آن اُتے آزاد کشمیر دے صدر سردار مسعود خان تے آزاد کشمیر دے وزیر اعظم راجا فاروق حیدر نے وزیر اعظم میاں نواز شریف دا خیرمقدم کیتا۔ وزیر اعظم اپنے دورے دے دوران آزاد کشمیر دے مختلف ترقیاتی منصوبیاں دا جائزا لین گے، اوہ آزاد کشمیر قانون ساز اسمبلی دے ارکان نال وی ملاقات کرن گے۔