ایچ ای سی نے داخلیاں لئی مفت ٹیسٹ سروس متعارف کروا دِتی

ایچ ای سی نے داخلیاں لئی مفت ٹیسٹ سروس متعارف کروا دِتی

لاہور(پاکستان پوائنٹ نیوز29۔دسمبر2016ء) ایچ ای سی نے داخلیاں لئی مفت ٹیسٹ سروس متعارف کروا دِتی، سروس دے تحت ایجوکیشن ٹیسٹنگ کونسل دے سارے خرچے ایچ ای سی ولوں دِتے جان گے جدکہ ٹیسٹ دا نتیجہ دو گھنٹیاں وچ ای آ جاوے گا۔ تفصیل دے مطابق ہائر ایجوکیشن کمیشن (ایچ ای سی) نے ملک بھر دیاں سرکاری و نجی یونیورسٹیاں تے انسٹی ٹیوٹس دے داخلیاں دے ٹیسٹ لئی اپنا وکھ ادارا ’ایجوکیشن ٹیسٹنگ کونسل‘ (ای ٹی سی) بنا دِتا اے۔

ایہ ادارا امیدواراں نوں داخلے دے امتحان دیاں مفت خدمتاں فراہم کرے گاجدکہ ایس عمل دے نتیجے وچ ایجوکیشن ٹیسٹنگ سروس دا مقابلہ نیشنل ٹیسٹ سروس (این ٹی ایس) نال ہووے گا۔ یاد رہوے کہ این ٹی ایس مختلف اداریاں توں فی امیدوار داخلا ٹیسٹ دے بدلے 500رُپئے لیندا اے جدکہ این ٹی ایس بارے شکایتاں وچ وادھے دے نال نال ٹیسٹ دے نتیجے وی دیر نال ملن دیاں شکایتاں مل رہیاں سن ایتھوں تیکر کہ معاملا ت عدالت تیکر پہنچ گئے۔