وزارت خزانا نے 5ہزار رُپئے دا نوٹ بند کرن دیاں خبراں نوں رَد کر دِتا

اسلام آباد(پاکستان پوائنٹ نیوز26۔دسمبر2016ء) وزارت خزانا نے 5ہزار رُپئے دا نوٹ بند کرن دیاں خبراں نوں رَد کر دِتا اے۔ ترجمان وزارت خزانا ولوں جاری بیان وچ آکھیا گیا اے کہ 5ہزار رُپئے دا نوٹ بند نہیں کیتا جا رہیا۔ ترجمان دا کہنا اے کہ 5ہزار دا نوٹ بند کرن دیاں خبراں بے بنیا دنیں۔ ترجمان نے آکھیا کہ 5ہزار رُپئے دا نوٹ ختم کرن نال کاروباری طبقے لئی مسئلے پیدا ہون گے ایس لئی 5ہزار رُپئے دا نوٹ بند کرن دا کوئی جواز نہیں اے۔یاد رہوے کہ پچھلے مالی سالی دے دوران کل کرنسی دا 17فیصد 5ہزار دے نوٹاں اُتے مشتمل سی۔