کراچی(پاکستان پوائنٹ نیوز24۔دسمبر2016ء) پیپلز پارٹی نے مفاہمتی سیاست ختم کر کے مسلم لیگ (ن) خلاف جنگ دا اعلان کر کر دِتا، مشیر اطلاعات و نشریات سندھ مولا بخش چانڈیو دا کہنا اے کہ مسلم لیگ (ن) عقل دے انھیاں دی جماعت اے، (ن) لیگ نال مفاہمت جمہوریت لئی سی تے ہن جھیڑا اے۔ اوہناں نے اج میڈیا نال گل بات کردے ہوئے آکھیا کہ بلاول بھٹو سربراہ نیں پر آصف علی زرداری دی رہنمائی لیندے رہن گے۔
اوہناں دا کہنا سی کہ آئین نوں اصل حالت وچ بحال کرنا زرداری دے دور ای کارناما اے، کراچی وچ ہون والیاں کارروائیاں دے بعد شام نوں وضاحتاں آن اُتے معاملا تھم گیا۔ اوہناں نے آکھیا کہ آصف زرداری دے ملک آن نال کارکن بہت خش نیں پر مخالف کیمپاں وچ بہت مایوسی اے۔ مولابخش چانڈیو نے آکھیا کہ چودھری نثار جو وی کرن وزیر اعظم اوہناں نوں روکن دی جرات نہیں کر سکدے۔ اوہناں نے آکھیا کہ کراچی وچ امن لئی کور کمانڈر تے ڈی جی رینجرز نے بہت کم کیتا۔
