عمران خان دی صدارت ہیٹھ پارٹی اجلاس، کوئٹہ دُکھانت تے پاناما لیکس کیس بارے وچاروٹاندرا

اسلام آباد(پاکستان پوائنٹ نیوز24۔دسمبر2016ء) تحریک انصاف دے چیئرمین عمران خان دی صدارت ہیٹھ پارٹی قیادت دا اجلاس ہویا، اجلاس دوران کوئٹہ دُکھانت دی رپورٹ، پاناما لیکس کیس تے ملک دی سیاسی صورتحال بارے وچار وٹاندرا کیتا گیا۔ نجی ٹی وی دے مطابق پی ٹی آئی ولوں جاری پارٹی اجلاس دے اعلامیے وچ آکھیا گیا اے کہ کوئٹہ دُکھانت دی رپورٹ حکومت خلاف چارج شیٹ اے، حکومت ولوں اتھارٹیز نوں ماتحت کرنا لُٹ مار کرن دا نواں طریقا اے۔ عمران خان نے آکھیا کہ وزیر اعظم دی کرپشن نوں ساہمنے لیان وچ آن والیاں اوکڑاں دور کرنا چاہندے آں۔ اوہناں نے آکھیا کہ چوراں تے لٹیریاں نال پلے بارگین دا کم شرمناک رسم اے۔ نیب عملی طور اُتے کرپشن دی سرپرستی کرن والا ادارا بن گیا اے۔