لاہور(پاکستان پوائنٹ نیوز20۔دسمبر2016ء) چینی سفارتکار نے اک تقریب دے دوران وزیر اعلا پنجاب میاں محمد شہباز شریف نوں ’شہباز سپیڈ‘ دا خطاب دے دِتا۔ تفصیل دے مطابق چین دی کیمونسٹ پارٹی دے انٹرنیشنل ڈیپارٹمنٹ دی سینٹرل کمیٹی دے نائب وزیر ژنگ ژہوانگژونگ نے پنجاب وچ جاری ترقیاتی کم جلدی ختم کرن اُتے شہباز شریف نوں ’شہباز سپیڈ‘ دا خطاب دے دِتا۔
اوہناں نے ایہناں خیالاں دا اظہار پچھلے دیہاڑے وزیر اعلا میاں شہباز شریف نال ملاقات وچ کیتا۔ ژنگ نے پنجاب وچ ترقیاتی کماں نوں پوریاں کرن وچ تیز رفتاری اُتے وزیر اعلا پنجاب میاں محمد شہباز شریف دی تعریف کیتی۔ ژنگ نے آکھیا کہ میں تے میرے نال آیا سارا وفد پنجاب وچ ترقی دی بے مثال رفتار توںڈاڈھا متاثر ہویا۔ اوہناں نے آکھیا کہ چین ترقیاتی کماں نوں بہت گھٹ ویلے وچ پوریاں کرن دی صلاحیت رکھدا اے پر پنجاب وچ ترقیاتی کماں دی رفتار غیر معمولی اے۔
