اسلام آباد(پاکستان پوائنٹ نیوز20۔دسمبر2016ء) پچھلے کجھ دِناں توں باکسر عامر خان تے اوہناں دی بیوی فریال مخدوم تے باکسر دے گھر والیاں وچکار جھیڑا شدت اختیار کر گیا سی جہدے اُتے دوویں پاسیوں اک دوجے اُتے الزام وی لائے گئے۔ ایس جھیڑے وچ کسے نے فریال مخدوم تے کسے نے باکسر عامر خان دے گھر والیاں دا ساتھ دِتا پر ہن ایس سارے جھیڑے وچ پی ٹی آئی چیئرمین عمران خان دی سابق بیوی دا وی بیان ساہمنے آ گیا اے۔
مائیکرو بلاکنگ ویب سائٹ ٹویٹر اُتے اپنے پیغام وچ ریحام خان نے فریال مخدوم دی حوصلا افزائی کردے ہوئے آکھیا اے کہ اک سوانی دا گھریلو زیادتی دا شکار ہونا افسوسناک اے۔ اوہناں نے آکھیا کہ گھریلو تشدد دا نشانابنن دے بعد وی اوہدے چُپ رہن دی امید رکھنا ایہدے توں وی زیادا بُری گل اے۔ ریحام خان نے اپنے پیغام وچ آکھیا کہ سوانی ہمیشہ کسے وجہ توں ای بولدی ا ے تے ایس طرحاں دے حالات وچ سوانی دے بیاناں دی مذمت کرن دی بجائے اوہناں بندیاں دی مذمت کرنی چاہیدی جو اوہنوں انج کرن اُتے مجبور کردے نیں۔
