کراچی(پاکستان پوائنٹ نیوز19۔دسمبر2016ء) سندھ پولیس وچ وڈی سطح اُتے تبدیلیاں دا امکان اے۔ تفصیل دے مطابق آئی جی سندھ اللہ دینو خواجا جبری چُھٹی اُتے چلے گئے نیں۔ آئی جی سندھ اے ڈی خواجا نوں وزیر اعلا سندھ سید مراد علی شاہ نے جبری چھٹی اُتے گھلیا۔ آئی جی سندھ دے ، سندھ دیاں اہم کاروباری شخصیتاں نال جھیڑے چل رہے سن، آئی جی سندھ دے چھٹی اُتے جان دے بعد نویں آئی جی سندھ دی تقرری دا امکان اے۔
وسیلیاں نے دسیا کہ آئی جی سندھ دے عہدے اُتے تقرری لئی ناواں اُتے وی غور شروع کر دِتا گیا اے۔ وسیلیاں نے دسیا کہ آئی جی سندھ لئی امیدواراں وچ ایڈیشنل آئی جی کراچی مشتاق مہر، سردار عبدالمجید دستی تے غلام قادر تھیبو شامل نیں جدکہ غلام حیدر جمالی وی ایس عہدے لئی ہتھ پیر مار رہے نیں۔ وسیلیاں دا کہنا اے کہ ایس معاملے وچ اللہ دینو خواجا نوںہدایت کیتی گئی اے کہ اوہ ایس معاملے اُتے کسے وی قسم دی مزاحمت نہ کردے ہوئے عہدے دا چارج واپس دے دین۔
