جنید جمشید دی نماز جنازہ دا فیصلامیت حوالگی دے بعد ہووے گا: خاندانی وسیلے

کراچی(پاکستان پوائنٹ نیوز08۔دسمبر2016ء) مشہور مبلغ جنید جمشید تے اوہناں دی گھر والی پچھلے دیہاڑے پی آئی اے دے بدقسمت جہاز وچ سوار ہو کے اللہ نوں پیار ہو گئے۔ حادثے والی تھاں توں سارے ہلاک ہون والے بندیاں دیاں لاشاں نوں پمز ہسپتال منتقل کر دِتا گیا اے جتھے اوہناں دیاں لاشاں دی شناخت کیتی جائی گی۔ جنید جمشید دے گھر والیاں دا کہنا اے کہ میت حوالگی دے بعد ای جنید جمشید دی نماز جنازہ بارے فیصلا کیتا جائے گا۔ ہسپتال وسیلیاں دا کہنا اے کہ ڈی این اے ٹیسٹ شناخت دے بعد جمشید جنید دی میت نوں اوہناں دے گھر والیاں دے حوالے کر دِتا جائے گا۔