پاناما لیکس: عدالت نے کمیشن بنان لئی وکیلاں نوں مہلت دے دِتی

اسلام آباد(پاکستان پوائنٹ نیوز07۔دسمبر2016ء) سپریم کورٹ وچ پاناما لیکس بارے کیس دی سنوائی ہوئی۔ وقفے دے بعد سنوائی دوبارا شروع ہون اُتے عدالت نے وکیلاں نوں کمیشن بنان لئی ادھے گھنٹے دی مہلت دے دِتی۔ تفصیل دے مطابق سپریم کورٹ نے آکھیا کہ کیہ تُسیں چاہندے او کہ اسیں کمیشن بنا دئیے؟ مشورا کر کے ادھے گھنٹے وچ عدالت نوں ایس بارے دَسو۔ سپریم کورٹ دا کہنا سی کہ عدالتی کمیشن بنان لئی وکیل فریقاں نال مشاورت کر کے عدالت نوں ادھے گھنٹے وچ دَسو۔ عدالت نے وکیلاں نوں ہدایت کیتی کہ اپنے موکلاں توں پُچھ کے دَسو کہ کمیشن بنایا جائے یاں فیصلا اسیں آپ ای کر دیئے، جہدے بعد سپریم کورٹ دی کارروائی ادھے گھنٹے لئی ملتوی کر دِتی گئی اے۔