پاناما کیس دی سنوائی کل تیکر ملتوی

اسلام آباد(پاکستان پوائنٹ نیوز06۔دسمبر2016ء) پاناما لیکس بارے درخاستاں سپریم کورٹ وچ سنوائی ہیٹھ نیں۔ تفصیل دے مطابق سپریم کورٹ وچ پاناما کیس اُتے ہون والی اج دی سنوائی وچ پی ٹی آئی دے وکیل نعیم بخاری نے اپنے دلائل مکمل کر لئے۔ عدالت نے ایس دوران تن سوال چُکے۔ جسٹس سعید کھوسہ دا کہنا سی کہ پہلا سوال ایہ اے کہ بالاں نے کمپنیاں کیویں بنائیاں؟ دوجا سوال، کفالت ہیٹھ ہون دے معاملے دی وضاحت کرو؟ تیجا سوال ایہ اے کہ تقریراں وچ سچ آکھیا گیا اے کہ نہیں؟ جسٹس امیر ہانی مسلم نے آکھیاکہ الزام اے کہ کمپنیاں غیر قانونی طریقے نال بنائیاں گئیاں نیں۔ سپریم کورٹ وچ کیس دی ہور سنوائی کل تیکر ملتوی کر دِتی گئی اے۔