پاناما کیس: قطری شہزادے نوں جیل وی جانا پے سکدا اے: پرچا کار عامر متین

اسلام آباد(پاکستان پوائنٹ نیوز06۔دسمبر2016ء) نجی ٹی وی چینل دے اک پروگرام وچ گل بات کردے ہوئے پرچا کار عامر متین نے دسیا کہ شریف خاندان نوں ہن سارے منی ٹریل دیاں تفصیلاں عدالت ساہمنے پیش کرنیاں ہون گیاں۔ اوہناں نے آکھیاکہ ہُن ویکھنا ایہ اے کہ پیسے قطر توں لندن کیویں گئے۔ عامر متین دا کہنا سی کہ کسے نجی ٹی وی چینل اُتے گل بات کردے ہوئے محمد زبیر نے اپنیاں گلاں توں ایہ تاثر دِتا کہ قطری شاہی خاندان دا وفد شکار لئی پاکستان آیا اے، اوہناں نے ایہ تاثر وی دِتا کہ ایس وفد وچ قطری شہزادا حماد بن جاسم وی شامل اے۔ عامر متین نے آکھیا کہ حماد بن جاسم نوں سپریم کورٹ ساہمنے پیش ہو کے حلف لینا وی پے سکدا اے تے حماد بن جاسم ایس حلف دے پابند ہون گے جہدا مطلب ایہ اے کہ سپریم کورٹ وچ لِتا جان والا حلف جے غلط ثابت ہویا تے قطری شہزادے نوں جیل وی ہو سکدی اے۔ عامر متین نے ہور کیہ آکھیا تُسیں وی سُنو!