کراچی(پاکستان پوائنٹ نیوز05۔دسمبر2016ء) جناح ہسپتال دے نیڑے واقع اک ہوٹل وچ اگ لگن دا واقعا پیش آیا اے جہدے نتیجے وچ 11بندے ہلاک جدکہ غیر ملکیاں سنے 30توں ودھ زخمی ہو گئے۔ ہوٹل وچ اگ لگن بارے تحقیقات کیتیاں جا رہیاں نیں۔ غیر ملکی عینی شاہد نے دسیا کہ ہوٹل وچ اگ لگن دے بعد کوئی فائر الارم نہیں وجیا۔ غیر ملکی سوانی نے دسیا کہ اسیں کمبل لے کے اپنے آپ نوں بچان دی کوشش کیتی۔
اک ہور عینی شاہد نے دسیا کہ ہوٹل وچ اگ لگن دے بعد کمریاں وچ دھواں بھر گیا سی تے جدوں کوئی مدد لئی نہ پہنچیا تے میں آپے ای شیشہ توڑ دِتاجہدے نتیجے وچ میرا ہتھ زخمی ہویا۔ کراچی ہوٹل وچ اگ لگن دے واقعے وچ یو بی ایل کرکٹ ٹیم دے کھڈاری وی متاثر ہوئے۔ یو بی ایل کرکٹ ٹیم دے منیجر ندیم خان نے دسیا کہ ساڈے کھڈاری ایس ویلے صدمے وچ نیں، اوہ ایس ویلے نہیں کھیڈ سکدے۔ اوہناں دا کہنا سی کہ صدمے پاروں کھڈاری پریشان نیں تے اوہ رو رہے سن۔ اوہناں نے آکھیا کہ ایس سلسلے وچ ساڈی قائداعظم ٹرافی میچ دے ریفری نال گل بات ہو رہی اے۔
