لاہور(پاکستان پوائنٹ نیوز03۔دسمبر2016ء) چیئرمین پیپلز پارٹی بلاول بھٹو زرداری نے اپنی ماں دی قومی اسمبلی دی سیٹ این اے 207توں الیکشن لڑن دا اعلان کر دِتا۔ وسیلیاں دے مطابق الیکشن 2013وچ این اے 207لاڑکانہ توں پیپلز پارٹی دی رہنما فریال تالپور الیکشن جِتیاں سن۔ پر ہن فریال تالپور این اے 207دی سیٹ نوں 27دسمبر دے بعد خالی کر دین گیاں۔ یاد رہوے کہ ایس سیٹ توں محترمہ بے نظیر بھٹو الیکشن لڑدیاں سن۔
پیپلز پارٹی دے چیئرمین بلاول بھٹو دا کہنا اے کہ لاڑکانہ دی سیٹ توں ای میں الیکشن لڑاں گا۔ اوہناں دا کہنا سی کہ پارلیمنٹ ای ساڈی اصل طاقت اے، پارلیمنٹ نوں مضبوط بناواں گے۔ الیکشن لڑن لئی ویلا طے کرن دا فیصلا جماعت کرے گی۔ بلاول نے آکھیا کہ لوکائی دی مدد نال الیکشن 2018وچ ملک دا وزیر اعظم بناں گا، 2018وچ لوکائی دی مدد نال چاراں صوبیاں وچ پیپلز پارٹی دے ای وزیر اعلا ہون گے۔ پارٹی وچ تبدیلی دا عمل تیز کر دِتا اے، مرکز وچ وی تبدیلی لیاواں گے۔ اوہناں نے آکھیا کہ صوبیاں وچ تن تن عہدیدار آ گئے، جلدی باقی تنظیماں وی مکمل کراں گے۔ اوہناں نے آکھیا کہ تنظیم سازی مکمل کرن دے بعد عوامی میدان وچ اُتراں گے۔
