لہور(پاکستان پوائنٹ نیوز۔22 جولائی۔2016) شہر وچ لوڈشیڈنگ دے طویل انھیرے،مختلف علاقیاں وچ کئی کئی گھنٹیاں دی غیر اعلانیہ لوڈ شیڈنگ تے شہری سراپا اختجاج ، لیسکو دے خلاف شدید نعرے بازی کیتی۔ تاج باغ چوک یتیم خانہ ،سمن آباد،گلبہار کالونی تے ہربنس پورہ نل ملحقہ علاقیاں وچ رات گئے تن توں چار گھنٹے تک مسلسل بجلی بند رہی اے۔ تاج باغ دے علاقے وچ گزشتہ تن دناں توں بجلی دی بندش دے خلاف شہری سراپا احتجاج بن گئے۔
اہل علاقہ نے کینال روڈ نوں بلاک کردتا تے ٹائرز نذرآتش کرکے لیسکیو انتظامیہ دے خلاف شدید نعرے بازی کیتی ۔ شہریاں دا آکھنا سی کہ لوڈشیڈنگ دی وجہ توں اوہ نہ تاں دن وچ کوئی کاروبار کرسکدے نیں تے نہ ہی رات نوں سکون دی نیندر سوسکدے نیں۔ اہل علاقہ دا آکھنا سی کہ اوور لوڈشیڈنگ دے باعث آئے دن ٹرانسفامر خراب ہوجاندا اے تے فیر کئی کئی دن لیسکو انتظامیہ ٹرانسفارمر ٹیک نہیں کردی۔
