لہور، 6ٹریفک وارڈناں نوں بحال کر کے مختلف سیکٹرز وچ تعینات وارڈناں نوں شدید گرم موسم دی پرواہ کیتے بغیرٹریفک دی روانی دے لئی ساری صلاحیتاں بروئے کار لاون ،

فرائض وچ کوتاہی ہرگز برداشت نہیں کیتی جاوے گی ،طیب حفیظ چیمہ

لہور، 6ٹریفک وارڈناں نوں بحال کر کے مختلف سیکٹرز وچ تعینات وارڈناں نوں شدید گرم موسم دی پرواہ کیتے بغیرٹریفک دی روانی دے لئی ساری صلاحیتاں بروئے کار لاون ،
فرائض وچ کوتاہی ہرگز برداشت نہیں کیتی جاوے گی ،طیب حفیظ چیمہ

لہور(پاکستان پوائنٹ نیوز۔22 جولائی۔2016) چیف ٹریفک آفیسرز لہور طیب حفیظ چیمہ نے اردل روم دے دوران گذشتہ دناں توں معطل کیتے گئے 6ٹریفک وارڈناں نوں بحال کرکے مختلف ٹریفک سیکٹرز وچ تعینات کردتا ۔اوہناں نے آکھیا اے کہ شدید گرم موسم دی پرواہ کرن توں بغیر ٹریفک دی روانی دے لئی ساری صلاحیتاں بروئے کار لائی جاون ،فرائض وچ کوتائی ہر گز برداشت نہیں کیتی جاوے گی ۔

طیب حفیظ چیمہ نے گزشتہ دناں معطل کیتے جان والے وارڈناں شہباز،طارق ،زاہد،محسن ،ہارون تے ندیم نوں بحال کرن دا حکم جاری کردتا۔ اوہناں نے آکھیااے کہ فرائض وچ کوتاہی تے شہریاں نال ناروا سلوک اختیار کرن والے اہلکاراں نال ہرگز کوئی رعایت نہیں کیتی جاوے گی۔ سی ٹی او نے آکھیا اے کہ وارڈناں نے سڑکاں تے عوام دی خدمت کردے ہویے نظر آون تے دوران ڈیوٹی عوام نال انتہائی نرم تے شائستہ رویہ رکھدے ہوئیاں ٹریفک دی روانی تے بھرپور توجہ دیون۔