پی ٹی آئی چیئرمین عمران خان نے سپریم کورٹ دے رپورٹرز نوں بنی گالا سَدیا: ایاز اکبر

اسلام آباد(پاکستان پوائنٹ نیوز03۔دسمبر2016ء) نجی ٹی وی چینل دے اک پروگرام وچ گل بات کردے ہوئے ایاز اکبر یوسفزئی نے دسیا کہ پی ٹی آئی چیئرمین عمران کان نے کُجھ دن پہلے سپریم کورٹ دے سارے رپورٹرز نوں چاہ اُتے اپنے گھر بنی گالا بُلایا سی۔ ایاز اکبر دا کہنا سی کہ میڈیا اُتے پی ٹی آئی تے ن لیگ دوویں ای فوکس کر رہے نیں، عمران خان ولوں رپورٹرز نوں ایسا دعوت ناما ایس توں پہلے کدی نہیں ملیا۔ اوہناں دا کہنا سی کہ ایس دعوت نامے تے چاہ پچھے کیہ مقصد اے، پتا نہیں پر سپریم کورٹ دے ججز دے دِتے گئے اک اک ریمارکس نوں پی ٹی آئی والے اپنی طرز، تے ن لیگی رہنما اپنی طرز نال بیان کردے نیں جہدی وجہ توں اک عام بندا ایہناں دوواں دی گل نہیں سُندابھاویں اوہ سچی ای کیوں نہ ہوئے۔ ایاز اکبر نے ہور آکھیا کہ دوویں جماعتاں دا میڈیا اُتے اینا فوکس ویکھ کے ایہو لگ رہیا اے کہ پاناما کیس دا فیصلا میڈیا نے ای کرنا اے۔