راولپنڈی(پاکستان پوائنٹ نیوز03۔دسمبر2016ء) آرمی چیف جنرل قمر جاوید باجوہ تے اوہناں دے گھر والیاں نے پچھلے دیہاڑے آرمی گیسٹ ہاﺅس وچ اپنے دوستاں نوں میلاد دی دعوت دِتی۔ تفصیل دے مطابق محفل میلاد شام 6وجے شروع ہوئی جہدے وچ نعت خواناں سنے علماءنے وی رلت کیتی۔ آرمی چیف جنرل قمر جاوید باجوہ نے دوستاں نوں محفل میلاد وچ آن دی دعوت لئی اُچیچے کارڈز وی گھلے جہدے اُتے محفظ میلاد دی تھاں تے ٹائم درج سی۔
یاد رہوے کہ آرمی چیف قمر جاوید باجوہ بارے میڈیا اُتے ایہ گلاں گھمن رہیاں سن کہ اوہ قادیانی فرقے نال تعلق رکھدے نیں پر محفل میلاد دا انعقاد تے اوہدے وچ رلت لئی دوستاں نوں گھلے گئے دعوت نامے یقینن ایس گل دا ثبوت نیں کہ آرمی چیف جنرل قمر جاوید باجوہ دا تعلق قادیانی فرقے توں نہیں اے۔
