اسلام آباد(پاکستان پوائنٹ نیوز02۔دسمبر2016ء) اختیارات دی منتقلی دے تن دہاکیاں بعد پاکستان مسلم لیگ (ن) دی حکومت نے چُپ کر کے بغیر کوئی وجہ دَسے، وزیر اعظم دا سرکاری اداریاں دے سربراہواں نوں برطرف کرن دا اختیار بحال کردِتا اے۔ حکومت یاں وزیر اعظم کول کمپنیز آرڈیننس 1984دے تحت سرکاری اداریاں دے چیف ایگزیکٹو آفیسر یاں مینجنگ ڈائریکٹر نوں عہدے توں ہٹان دا اختیار نہیں سی۔
کمپنیز آرڈیننس دے تحت ایس گل نوں یقینی بنایا گیا سی کہ سرکاری اداریاں دے سربراہان کمپنیاں دے مفاد وچ آزاد تجارتی فیصلے کر سکدے نیں، آرڈیننس وچ چیف ایگزیکٹو نوں ہٹان دے اختیارات دے حوالے نال چنگی طرحاں وضاحت کیتی گئی اے تاں جے پبلک سیکٹر کمپنیاں دے سربراہ حکومت یاں کسے دوجے مفاد رکھن والے گروپ ہتھوں تماشا نہ بنن۔ قانون دے تحت چیف ایگزیکٹو دے عہدے دی مدت نوں تحفظ وی دتا گیا اے۔
