آرمی چیف جنرل قمر جاوید باجوہ دا لائن آف کنٹرول اُتے اگلے مورچیاں دا دورا

آرمی چیف نوں بھارتی جارحیت تے کنٹرول لائن دی سکیورٹی صورتحال اُتے بریفنگ

آرمی چیف جنرل قمر جاوید باجوہ دا لائن آف کنٹرول اُتے اگلے مورچیاں دا دورا
آرمی چیف نوں بھارتی جارحیت تے کنٹرول لائن دی سکیورٹی صورتحال اُتے بریفنگ

راولپنڈی(پاکستان پوائنٹ نیوز02۔دسمبر2016ء) چیف آف آرمی سٹاف جنرل قمر جاوید باجوہ نے لائن آف کنٹرول اُتے اگلے مورچیاں دا دورا کیتا، آرمی چیف نے ایل او سی اُتے افسراں تے جواناں دے حوصلیاں نوں سلاہیا۔ آئی ایس پی آر دے مطابق آرمی چیف جنرل قمر جاوید باجوہ نوں دورے دے دوران بھارتی جارحیت دے بعد کنٹرول لائن دی سکیورٹی صورتحال اُتے بریفنگ دِتی گئی۔

آرمی چیف نے پاک فوج دے جواناں نال دن لنگھایا۔ آئی ایس پی آر دے مطابق آرمی چیف دے نال ایس موقعے اُتے کور کمانڈر راولپنڈی لیفٹیننٹ جنرل ملک ظفر اقبال وی سن، آرمی چیف جنرل قمر باجوہ نے ایس موقعے اُتے آکھیا کہ بھارت نوں جارحیت دا بھرپور جواب دیاں گے، خطے وچ لَمے چِر لئی امن لئی مسئلا کشمیر حل کرنا ہووے گا، بھارت نوں چاہیدا کہ کشمیریاں دیاں خاہشاں دے مطابق مسئلا کشمیر نوں حل کرے۔ اوہناں نے آکھیا کہ مسئلا کشمیر اقوام متحدا دیاں قرارداداں دے مطابق حل کیتا جانا چاہیدا۔ جنرل قمر جاوید باجوہ نے آکھیاکہ بھارتی فوج دی انھے واہ فائرنگ دا مقصد دنیا دی توجہ مقبوضہ کشمیر توں ہٹانا اے۔ آرمی چیف دا کہنا سی کہ بھارتی اشتعال انگیزی دا جواب پوری طاقت نال دِتا جائے۔