لالہ موسی(پاکستان پوائنٹ نیوز28۔نومبر۔2016ء) سینئر سیاستدان جاوید ہاشمی نے آکھیا اے کہ پیپلزپارٹی نے پہلی وار کسے جیالے نوں صدر چُنیا اے، بہرحال پی پی پی نے ’دیر آئے درست آئے‘ دے مطابق چنگا فیصلا کیتا اے۔ تفصیل دے مطابق این این آئی نال گل بات کردے ہوئے جاوید ہاشمی دا کہنا سی کہ اپنے حلقے دے لوکاں دی رائے اُتے مسلم لیگ (ن) وچ جان فیصلا کراں گا۔
جاوید ہاشمی نے دسیا کہ لالہ موسی توں جدوں پیپلز پارٹی دے اعتزاز احسن تے مسلم لیگ دے صوبیدار غلام رسول وچکار الیکشن ہویا تے میں ملتان توں آکے ایتھے مسلم لیگی امیدوار دی انتخابی مہم چلائی سی پر چودھری اعتزاز احسن وہ مقابلا جِت گئے سن۔ اوہناں نے ہور آکھیا کہ چودھری قمر زمان کائرہ اک چنگے سیاستدان نیں جدکہ اوہناں دی قیادت پاروں پنجاب وچ پیپلز پارٹی نوں فائدا ہووے گا۔
