سپریم کورٹ وچ شیخ رشید خلاف اثاثیاں بارے کیس دی سنوائی

اسلام آباد(پاکستان پوائنٹ نیوز28۔نومبر۔2016ء) سپریم کورٹ وچ عوامی تحریک مسلم لیگ دے سربراہ شیخ رشید خلاف اثاثیاں بارے کیس دی سنوائی ہوئی۔ تفصیل دے مطابق کیس دی سنوائی چیف جسٹس انور ظہیر جمالی دی صدارت ہیٹھ تن رکنی بنچ نے کیتی۔ سنوائی دوران شیخ رشید عدالت وچ پیش نہیں ہوئے، چیف جسٹس نے استفسار کیتا کہ کیہ شیخ رشید نوں نوٹس ہو گیا؟جہدے اُتے سپریم کورٹ دے رجسٹرار آفس نے جواب دِتا کہ شیخ رشید نوں نوٹس جاری کیتا گیا سی۔ جہدے اُتے چیف جسٹس دا کہنا سی کہ شیخ رشید نے عدالت آن دی وی زحمت نہیں کیتی۔ جہدے بعد سپریم کورٹ نے شیخ رشید نوں دوبارا نوٹس جاری کردے ہوئے کیس دی ہور سنوائی نوں دو ہفتیاں تیک ملتوی کر دِتا۔