سپیکر قومی اسمبلی نے پی ٹی آئی دے استعفیاں بارے سپریم کورٹ وچ جواب جمع کروا دِتا

پی ٹی آئی ارکان دے استعفیاں تے40دن غیر حاضری اُتے کارروائی میر ااختیار نہیں اے: سردار ایازصادق دے جواب دامتن

سپیکر قومی اسمبلی نے پی ٹی آئی دے استعفیاں بارے سپریم کورٹ وچ جواب جمع کروا دِتا
پی ٹی آئی ارکان دے استعفیاں تے40دن غیر حاضری اُتے کارروائی میر ااختیار نہیں اے: سردار ایازصادق دے جواب دامتن

اسلام آباد(پاکستان پوائنٹ نیوز25۔نومبر۔2016ء) سپیکر قومی اسمبلی سردار ایاز صادق نے پی ٹی آئی دے استعفیاں بارے کیس اُتے سپریم کورٹ وچ جواب جمع کروا دِتا اے، سپیکر قومی اسمبلی نے پی ٹی آئی ارکان دی 40دن غیر حاضری توں اپنے آپ نوں بَری کروا لیا۔ تفصیل دے مطابق اج سپریم کورٹ وچ پی ٹی آئی دے قومی اسمبلی وچ جمع کروائے گئے استعفیاں دے کیس دی سنوائی ہوئی، جہدے وچ سپیکر قومی اسمبلی نے پی ٹی آئی ارکان دے استعفے نہ منظور کرن اُتے جواب جمع کروا دِتا اے، سپیکر قومی اسمبلی سردار ایاز صادق نے اپنے جواب وچ بیان کیتا کہ پی ٹی آئی دے ارکان دے استعفے نہ منظور کرن اُتے جواب جمع کروا دِتا اے۔

سپیکر قومی اسمبلی سردار ایاز صادق نے اپنے جواب وچ آکھیا کہ پی ٹی آئی ارکان دے استعفیاں تے 40دن غیر حاضری اُتے کارروائی میرا اختیار نہیں اے۔ اوہناں دا کہنا اے کہ پی ٹی آئی ارکان نے استعفے براہ راست مینوں نہیں دِتے، استعفیاں دی منظوری لئی پی ٹی آئی ارکان نوں کئی وار بُلایا گیا۔ اوہناں نے آکھیا کہ پی ٹی آئی ارکان دے استعفے جس انداز وچ آئے اوہ اپنے آپ منظور نہیں ہو ندے۔اوہناں نے آکھیا کہ عمران خان نے استعفیاں دے تصدیقی عمل نوں لیٹ کرن دے حربے ورتے جدکہ پی ٹی آئی ارکان وی ایسے لئی پیش نہیں ہوئے۔