عمران خان اُتے ٹیکس چوری دا الزام، ایف بی آر نے پُن چھان شروع کردِتی

اسلام آباد(پاکستان پوائنٹ نیوز25۔نومبر۔2016ء) پی ٹی آئی چیئرمین عمران خان اُتے چوری دا الزام لگن دے بعد فیڈرل بورڈ آف ریونیو (ایف بی آر) نے عمران خان خلاف پُن چھان شروع کردِتی اے۔ سپریم کورٹ دے نوٹس اُتے ایف بی آر نے جمع کروائے گئے جواب وچ آکھیا کہ عمران خان خلاف حنیف عباسی دے الزاماں دی تصدیق دا کم شروع کر دتا گیا اے۔ ایف بی آر نے اپنے جواب وچ آکھیا کہ جے عمران خان دے ٹیکس گوشواریاں وچ قانونی تضاد ہویا تے یقینی طور اُتے اوہناں خلاف کارروائی کیتی جائے گی۔ ایف بی آر نے ہور دسیا کہ پاناما لیکس کیس وچ آف شور کمپنیاں بارے تحقیقات وی شروع کردِتیاں نیں جدکہ عمران خان نوں وی آف شور کمپنی اُتے نوٹس جاری کر دِتا گیا اے۔