قطری شہزادے نے وزیر اعظم نواز شریف نال خط دے بدلے عدالت نہ آن دی شرط رکھی سی: عارف حمید بھٹی دا انکشاف

اسلام آباد(پاکستان پوائنٹ نیوز25۔نومبر۔2016ء) نجی ٹی وی چینل دے اک پروگرام وچ گل بات کردے ہوئے مشہور پرچا کار نے آکھیا کہ قطری شہزادے دے خط دی تیاری وچ دو اہم بندیاں دا ناں لِتا جا رہیا اے، جہناں وچ قطر وچ پاکستان دے سفیر شہزاد صاحب تے قطر وچ وَسن والے پاکستانی سیف الرحمان شامل نیں۔ اوہناں دا کہنا سی کہ شہزاد نے لندن وچ میاں صاحب دے آپریشن ویلے لَما چِر اوتھے لنگھایا۔ اوہناں دا کہنا سی کہ اصل بزنس طارق شفیع دا سی، ایہدے وچ میاں صاحب دا گھٹ شیئر سی کیوں جے اوس ویلے اتفاق فاﺅنڈری سی، عارف حمید بھٹی نے دسیا کہ اک مہینہ پہلے طارق شفیع تے وزیر اعظم نواز شریف دی دو گھنٹے ملاقات ہوئی، ملاقات دوران اک کاغذ بنوان اُتے اوہناں نوں راضی کیتا گیا۔ اوہناں نے دسیا کہ طارق شفیع دا کہنا سی کہ میں ایہ لیٹر بنوا تے دیاں گا پر قطری شہزادے نے شرط رکھی اے کہ جو مرضی ہو جائے اوہ کسے عدالت وچ پیش نہیں ہون گے۔ جہدے بعد ایہ خط سپریم کورٹ وچ آ گیا۔ اوہناں نے ہور کیہ آکھیا تُسیں وی سُنو!