اسلام آباد(پاکستان پوائنٹ نیوز21۔نومبر۔2016ء) چیئرمین تحریک انصاف عمران خان نے بابر اعوان نوں پاناما لیکس کیس وچ وکیل مِتھن دی منظوری دے دِتی۔ نجی ٹی وی دے مطابق تحریک انصاف نے سپریم کورٹ وچ پاناما لیکس دی سنوائی لئی حامد زمان خان دی تھاں ہن بابر اعوان نوں وکیل مِتھ لیا اے، جو 30نومبر نوں ہون والی سنوائی وچ چیف جسٹس انور ظہیر جمالی دی صدارت ہیٹھ پنج رکنی لارجر بنچ ساہمنے پیش ہو کے دلائل دین گے۔
وسیلیاں دا کہنا اے کہ عمران خان نے بابر اعوان نوں وکیل مِتھن دی منطوری دے دِتی اے پر ایہدا باضابطا اعلان اک دو دِناں وچ کیتا جائے گا۔ وسیلیاں دے مطابق عمران خان نے پاناما لیکس کیس دے حوالے نال اپنے کول موجود سارے ثبوت تے سپریم کورٹ وچ جمع کرائیاں گئیاں دستاویزات اُتے بابر اعوان نال تفصیلی گل بات وی کیتی اے۔
