گورنر خیبرپختونخوا ہتھوں ڈگری لین توں انکار کرن والے پڑھیار نے عمران خان توں ڈگری وصول کرلئی

پشاور(پاکستان پوائنٹ نیوز18۔نومبر۔2016ء) پشاور یونیورسٹی دے کانووکیشن دے دوران نبی شاہ نامی اک پڑھیار نے گورنر کے پی کے اقبال ظفر جھگڑا ہتھوں ڈگری لین توں انکار کر دِتا سی۔ نبی شاہ دا کہنا سی کہ ایہ حکومت کرپٹ اے تے کرپٹ حکومت دے گورنرہتھوں ڈگری نہیں لواں گا پر ہن نبی شاہ نے پی ٹی آئی چیئرمین عمران خان تے وزیر اعلا کے پی کے پرویز خٹک ہتھوں ڈگری لے لئی اے ۔ عمران خان تے پرویز خٹک نے آپ نبی شاہ نوں ڈگری دِتی، جہدے اُتے نبی شاہ دی خشی دی کوئی انتہا نہ رہی۔ یاد رہوے کہ ایس ساری صورتحال اُتے گورنر کے پی کے اقبال ظفر جھگڑا داکہنا سی کہ ہر کسے نوں رائے دا حق اے، اوہناں نے انتظامیا توں درخاست وی کیتی سی کہ پڑھیار نے اپنا موقف پیش کیتا اے ایس لئی اوہنوں نوں رہا کیتا جائے۔