سپریم کورٹ نے پاناما لیکس کیس دی سنوائی 29نومبر تیکر ملتوی کر دِتی

اسلام آباد(پاکستان پوائنٹ نیوز17۔نومبر۔2016ء) پاناما لیکس بارے درخاستاں اُتے سپریم کورٹ وچ سنوائی جاری اے۔ تفصیل دے مطابق چیف جسٹس آف پاکستان انور ظہیر جمالی دی صدارت ہیٹھ 5رکنی بنچ پاناما لیکس بارے کیس دی سنوائی کر رہیا اے۔ چیف جسٹس آف پاکستان انور ظہیر جمالی نے ریمارکس دِتے کہ جدوں تیک تفصیل نال تحقیقات نہیں ہوندیاں اسیں کسے نتیجے اُتے نہیں اپڑ سکدے۔ اوہناں نے آکھیا کہ انکوائری کمیشن سارے ثبوتاں دا جائزا لے سکدا اے۔ ایس توں وکھ اج ہون والی سنوائی دوران پی ٹی آئی دے وکیل حامد خان نے اپنے دلائل پیش کیتے نیں جہدے بعد سپریم کورٹ نے کیس دی ہور سنوائی 29نومبر تیک ملتوی کر دِتی اے۔