نامعلوم بندیاں دے تشدد دا نشانا بنن والے فلم ’سایہ خدائے ذوالجلال“ دے ولن حسن خان چلانا کر گئے، مقدما درج

لاہور(پاکستان پوائنٹ نیوز17۔نومبر۔2016ء) نامعلوم بندیاں ہتھوں تشدد دا نشانا بنن والے فلم ’سایہ خدائے ذوالجلال“ دے ولن ماڈل حسن خان چلانا کر گئے ، پولیس نے نامعلوم بندیاں خلاف مقدما درج کر کے تفتیش شروع کر دِتی۔ تفصیل دے مطابق سٹیج، ٹی وی دے سینئر اداکار پرویز خان دے نکے بھرا تے گلبرگ کبوتر پورا دے واسی اداکار و ماڈل حسن خان اُتے پیر دی رات فردوس مارکیٹ دے نیڑے نامعلوم بندیاں نے تشدد کیتا سی۔

تشدد پاروں حسن خان چلانا کر گئے۔ پرویز خان دے مطابق اوہناں نے تھانا گلبرگ وچ تشدد کرن والے نامعلوم بندیاں دی گڈی دا نمبر ای سی 77لکھوا کے مقدما درج کروایا اے تے پولیس نے تفتیش شروع کر دِتی اے۔ حسن خان دے گھر والیاں مطابق اوہناںدی کسے نال کوئی دشمنی نہیں اے۔ پولیس دے مطابق حسن خان دی لاش پوسٹمارٹم لئی ڈیڈ ہاﺅس منتقل کر دِتی گئی اے۔ یاد رہوے کہ حسن خان نے پچھلے دِنا ای فلم ’سایہ خدائے ذوالجلال‘ وچ ولن دا کردار ادا کیتا اے جو ریلیز ہون والی اے۔