اسلام آباد(پاکستان پوائنٹ نیوز14۔نومبر۔2016ء) وزیر اعظم نواز شریف نے گیس دیاں قیمتاں وچ وادھے دی سمری رَد کر دے ہوئے پرانیاں قیمتاں برقرار رکھن دی ہدایت کر دِتی۔ ایتوار نوں اک نجی ٹی وی دے مطابق اوگرا ولوں گیس دیاں قیمتاں وچ 356فیصد وادھے دی سمری وزیر اعظم نواز شریف، وزارت پٹرولیم تے وزارت خزانا نوں گھلی گئی اے جہدے وچ موقف اختیار کیتا گیا کہ گیس کمپنیاں نوں مالی لوڑاں پوریاں کرن لئی گیس دیاں قیمتاں وچ وادھا کرنا قانونی طور اُتے لازم ہو گیا اے، حکومت نے ایڈوائس نہ دِتی تے اوگرا آرڈیننس دی روشنی وچ 15نومبر نوں نوٹی فکیشن جاری کر دِتا جائے گا۔
حکومتی وسیلیاں دا کہنا اے کہ گیس دیاں قیمتاں وچ 36فیصد وادھا نہیں ہویا وزیر اعظم نے اوگرا نوں گیس دیاں قیمتاں وچ وادھا نہ کرن دی ہدایت کیتی اے ۔ اوگرا حکام داایس حوالے نال کہنا سی کہ 15نومبرتوں گیس دیاں قیمتاں وچ وادھے دا نوٹی فکیشن جا ری نہ کرنا قانون دی خلاف ورزی ہووے گی، وفاقی حکومت نوں گیس دیاں قیمتاں وچ وادھے بارے 5اکتوبر نوں دسیا گیا سی۔
