اسلام آباد(پاکستان پوائنٹ نیوز14۔نومبر۔2016ء) نویں چنے گئے امریکی صدر ڈونلڈ ٹرمپ نے اپنیاں ترجیحاں وچ ڈاکٹر شکیل آفریدی دی رہائی نوں سر فہرست رکھیا اے۔ غیر ملکی خبر رساں ادارے دی رپورٹ دے مطابق نویں چنے گئے امریکی صدر ٹرمپ ولوں پاکستان اُتے شکیل آفریدی دی رہائی لئی دباءپان دا امکان اے۔ ڈونلڈ ٹرمپ نے اپنی انتظامیا نوں پاکستانی حکام توں شکیل آفریدی دی رہائی لئی انتظامات کرن بارے آکھ دِتا اے۔
یاد رہوے کہ شکیل آفریدی نے دو مئی 2012نوں ایبٹ آباد وچ القاعدہ دے سربراہ اسامہ بن لادن خلاف امریکی آپریشن وچ تعاون کیتا سی۔ شکیل آفریدی خلاف غداری بارے مقدما عدالت وچ سنوائی ہیٹھ اے۔ امریکی حکام نے ایس توں پہلے اوہناں دی رہائی لئی پاکستانی حکام اُتے ڈاڈھا دباءپایا سی پر عسکری قیادت دیاں رکاوٹاں پاروں شکیل آفریدی دی رہائی ممکن نہ ہو سکی۔
