کراچی(پاکستان پوائنٹ نیوز12۔نومبر۔2016ء) انسداد دہشت گردی عدالت نے جھیڑوی تقریردے سہولت کاری کیس وچ وسیم اختر دی 25ہزار رُپئے دی ضمانت منظور کر لئی جدکہ رﺅف صدیقی دی ضمانت وچ توسیع کر دِتی، دوجے پاسے عدالت نے جھیڑوی تقریر وچ سہولت کاری دے دو مقدمیاں وچ بانی ایم کیو ایم، فاروق ستار، حیدر عباس رضوی سنے 22ملزماں دے اک وار فیر ناقابل ضمانت وارنٹ گرفتاری جاری کر دِتے۔
تفصیل دے مطابق انسداد دہشت گردی عدالت کراچی وچ جھیڑوی تقریروچ سہولت کاری کیس دی سنوائی ہوئی، عدالت وچ میئر کراچی وسیم اختر نوں جیل توں لیاندا گیا جدکہ رﺅف صدیقی تے سندھ اسمبلی وچ اپوزیشن لیڈر خواجا اظہار الحسن عدالت وچ پہلے ای موجود سن۔ رﺅف صدیقی دے وکیل نے عدالت وچ آکھیا کہ اِکو جہے مقدمے بنا دِتے گئے نیں، ایس مقدمے وچ وسیم اختر نوں گرفتار نہیں کیتا گیا جہدے بعد عدالت نے وسیم اختر دی 25ہزار ررُپئے دی ضمانت منظور کر لئی ایس توں وکھ عدالت نے رﺅف صدیقی دی ضمانت وچ پہلی دسمبر تیکر توسیع کر دِتی جدکہ عدالت نے ہور کیس دی سنوائی 19نومبر تیک ملتوی کر دِتی۔یاد رہوے کہ وسیم اختر خلاف تھانا سپر ہائی وے وچ جھیڑوی تقریر دا مقدما درج اے۔
