مینوں تے پہلے ای پتا سی کہ 2نومبر نوں دھرنا نہیں ہووے گا: ڈاکٹر طاہر القادری

لندن(پاکستان پوائنٹ نیوز08۔نومبر۔2016ء) پاکستان عوامی تحریک دے سربراہ ڈاکٹر طاہر القادری دا کہنا اے کہ مینوں تے پہلے ای پتا سی کہ دو نومبر نوں دھرنا نہیں ہووے گا۔ تفصیل دے مطابق ڈاکٹر طاہر القادری دا کہنا سی کہ مینوں ایہ پہلے ای پتا سی کہ دو نومبر نوں کُجھ نہیں ہون والا ایس لئی ایس تماشے وچ رلتی ای نہیں ہویا۔ اوہناں نے پاناما لیکس بارے آکھیا کہ اک امام چُنیا جاوے گا جہدے اُتے دوویں فریق راضی ہون گے جدکہ دوویں فریق اک ای صف وچ کھلو کے پاناما لیکس دا جنازہ پڑھن گے۔ اوہناں نے ہور آکھیا کہ پاناما لیکس نوں ہمیشہ لئی دفن کرن اُتے اتفاق ہو گیا اے۔